Heb 5 | PONPDN | STEP | PWE samero lapalap karos, me pilipildar san ren aramas akan, pan kasapwilada, pwen sauas a aramas akan ren Kot, pwen wiada kisakis o mairon pweki dip;

Hebrews 5

1 PWE samero lapalap karos, me pilipildar san ren aramas akan, pan kasapwilada, pwen sauas a aramas akan ren Kot, pwen wiada kisakis o mairon pweki dip; 2 Me kak pamada duen me sapun o salonala kan, pwe i pil me lued. 3 I me a udan kida mairon pein dip a, dueta a kin tomeki dip en aramas akan. 4 O sota amen, me kin kasapwilada pein i, pwe a pan kasapwilada san ren Kot dueta Aron. 5 Pil dueta Kristus, me sota kalinanada pein i, pwen wiala samero lapalap, a i me wiadar me masani on i: Koe nai Ol, ran wet I kaipwi uk adar. 6 Duen a pil kotin masani ekis wasa: Koe samero duen al en Melkisedek kokolata. 7 O ni ran akan, me a kotikot ni pali uduk, a kotin maironki laolao, o nidinid, o kaukauwet, o tontonir on i, me pan kak dorela i san a pan matala, o pweki a wauneki Kot, a laolao pil pwaidar. 8 I me Sapwilim a, ari so, a kotin padakki peik ni a kalokolok. 9 O ni a unsokalar a kotin wnilar kamaur pan maur soutuk on irail karos, me kin oke i. 10 O Kot pil kotin kamare kin i samoro lapalap duen al en Melkisedek. 11 Iran mepukat kasoi toto mi re at, a me apwal en kaweweda, aki omail sota dedeki. 12 Nan a daulier ansau, me komail en wiala saunpadak, ari so, me pil mau on, amen en kawewe on komail tapin lamalam en masan en Kot, wialar son dueta irail, me kin tunole pil en didi, e kaidin kisin mana. 13 Pwe amen amen me kin tunole didi, me man salon ni masan en pun, pwe a rason seri pwelel. 14 A me unsokalar akan me mau on kisin mana, pwe irail me anlar lamalam pweki ar laudelar, ap asa duen me mau o me sued.